جانیئے تکیے اور بستر کی چادریں باقاعدگی سے نہ دھونے کے صحت پر مضر اثرات

اگر آپ اپنے تکیے اور بستر کی چادریں جلد نہ دھوئیں یا تبدیل نہ کریں تو آپ کی صحت کوخطرات لاحق ہو سکتے ہیں

اکثر لوگ روزمرہ صفائی ستھرائی کا خیال تو رکھتے ہیں، مگر بستر اور اس کے لوازمات جیسے تکیہ، بیڈ شیٹ یا کمبل کی صفائی کو زیادہ اہمیت نہیں دیتے۔ بظاہر صاف نظر آنے والی بیڈ شیٹ یا تکیہ بھی مائیکروسکوپک سطح پر جراثیموں اور آلودگیوں کا گڑھ بنے ہوتے ہیں۔

بظاہر چھوٹی سی عادت، جیسا کہ آپ کے بستر کی چادریں تبدیل کرنا، درحقیقت آپ کی صحت پر گہرا اثر ڈال سکتا ہے۔ اپنے بستر کی چادروں کو ہفتہ وار تبدیل کرنے کی عادت ڈالیں، خاص طور پر ان لوگوں کے لیے ضروری ہے جو الرجی یا جلد کی حالت میں مبتلا ہیں۔ صحت مند نیند کے لیے صاف ستھرے اور خوشبودار بستر کا کوئی متبادل نہیں ہے۔

آئیے جانتے ہیں کہ

اگر آپ اپنے تکیے اور بستر کی چادریں جلد نہ دھوئیں یا تبدیل نہ کریں تو صحت کو کیا خطرات لاحق ہو سکتے ہیں؟

تکیہ اور بیڈ شیٹ کو جلدی نہ دھونے کے نقصانات کیا ہو سکتے ہیں:

ہم میں سے اکثر لوگ بیڈ شیٹ اور تکیے کو اس وقت تک نہیں بدلتے جب تک ان پر واضح داغ یا گندگی نظر نہ آئے۔ لیکن کیا آپ جانتے ہیں کہ صاف نظر آنے والی بیڈ شیٹ اور تکیہ بھی جراثیم، بیکٹیریا اور فنگس سے بھرے ہو سکتے ہیں؟ اگر ان کو بروقت نہ بدلا جائے تو یہ کئی صحت کے خطرات کا سبب بن سکتے ہیں۔

1۔ بیکٹیریا اور فنگس کی افزائش:

ہر رات سوتے وقت ہمارا جسم تقریباً 500 ملین مردہ جلد کے خلیے خارج کرتا ہے۔ یہ خلیے بیکٹیریا اور فنگس کے لیے خوراک کا کام کرتے ہیں۔ ایک تحقیق کے مطابق، صرف ایک ہفتے میں استعمال ہونے والی تکیے کی سطح پر 16 مختلف اقسام کے فنگس اگنے لگتے ہیں، جن میں Aspergillus fumigatus جیسے نقصان دہ اقسام بھی شامل ہیں جو سانس کی بیماریوں کا باعث بن سکتی ہیں۔

ہمارا جسم سوتے وقت پسینہ، مردہ جلد کے خلیات، اور جسمانی چکنائی خارج کرتا ہے۔ یہ سب کچھ بیڈ شیٹ اور تکیے میں جمع ہو کر بیکٹیریا اور فنگس کی افزائش کا سبب بنتے ہیں۔

یہ جراثیم خصوصاً وہ افراد جو الرجی، سانس یا جلدی امراض کا شکار ہوں — ان کے لیے خطرناک ہو سکتے ہیں۔

2۔ سانس کی بیماریاں اور الرجی:

بیڈ شیٹ اور تکیوں میں ڈسٹ مائٹس (گرد کے چھوٹے کیڑے) پیدا ہو جاتے ہیں جو تکیے اور بستر میں آسانی سے پلتے ہیں، جن کی باقیات سانس کے مسائل، دمہ اور الرجی کو بڑھا سکتی ہیں۔

ان کے فضلے سے ناک بہنا، آنکھوں میں خارش، سانس لینے میں دشواری، اور یہاں تک کہ دمہ (Asthma) بھی بڑھ سکتا ہے۔

3۔ انفیکشن اور بیماریوں کا خطرہ:

زخم، خراش یا کسی بیماری کی صورت میں آلودہ بیڈ شیٹ انفیکشن کے امکانات کو بڑھا دیتی ہے۔ اسپتالوں میں بھی بیڈ شیٹس کو روزانہ بدلا جاتا ہے تاکہ کراس انفیکشن نہ ہو۔

اگر آپ کے جسم پر زخم یا خراش ہے، یا آپ پہلے سے بیمار ہیں، تو آلودہ بیڈ شیٹ سے جراثیم آسانی سے جسم میں داخل ہو سکتے ہیں اور نئی بیماری یا انفیکشن کا سبب بن سکتے ہیں۔

4۔ مہاسے، خارش اور جلدی امراض:

باقاعدگی سے نہ دھوئے گئے بیڈ شیٹ اور تکیے کے غلاف چکنائی، میل اور بیکٹیریا سے بھر جاتے ہیں جو جلد کے مسام بند کرتے ہیں۔ اس سے جلد پر مہاسے، الرجی، خارش اور دیگر مسائل پیدا ہوتے ہیں۔

ڈرمٹولوجسٹ کے مطابق، خاص طور پر چکنی جلد والے افراد کو ہر دو دن بعد تکیے کا غلاف تبدیل کرنا چاہیے۔

گندے تکیے کا غلاف خاص طور پر چہرے کی جلد پر اثر انداز ہوتا ہے۔ جلد کے مسام بند ہو جاتے ہیں جس سے مہاسے، کیل مہاسے (Acne)، الرجی یا خارش جیسے مسائل پیدا ہوتے ہیں۔

5۔ نیند کے معیار میں کمی:

صاف ستھرا بستر نہ صرف آرام دہ ہوتا ہے بلکہ بہتر نیند میں مدد دیتا ہے۔ گندے اور بدبو دار بیڈ شیٹ نیند کو متاثر کرتے ہیں۔ ایک تحقیق کے مطابق صاف بستر پر سونے والوں کو بہتر نیند آتی ہے اور وہ تازہ دم محسوس کرتے ہیں۔

جبکہ بدبودار یا آلودہ بستر میں سونا؛

بے چینی
نیند میں خلل
تھکن کا باعث بنتا ہے

کتنی بار بیڈ شیٹ اور تکیہ دھونا چاہیے؟

بستر کی صفائی کا صحیح شیڈول – کب اور کتنی بار؟

بستر کی صفائی صرف دھونے تک محدود نہیں بلکہ اس کا ایک مناسب شیڈول ہونا ضروری ہے۔ اگر آپ صحت مند رہنا چاہتے ہیں تو درج ذیل چیزوں کو درج ذیل وقفوں پر ضرور صاف کریں:

بیڈ شیٹ، تکیے، اور دیگر بستر کی چیزوں کو کب صاف کریں؟

1۔ بیڈ شیٹ:

ہر ہفتے میں کم از کم ایک بار دھونا چاہیے۔ گرمی، پسینے یا بیمار افراد کے ساتھ رہائش کی صورت میں 3–4 دن بعد دھونا بہتر ہے۔

2۔ تکیے کے غلاف:

ہر 2 سے 3 دن میں تبدیل کریں، خاص طور پر اگر جلد حساس ہو
گرمی، پسینے یا بیمار افراد کے ساتھ رہائش کی صورت میں 3–4 دن بعد دھونا بہتر ہے
روزانہ تبدیل کرنا بھی فائدہ مند ہے، خاص طور پر گرمیوں میں

تکیہ کب دھونا یا تبدیل کرنا چاہیے؟

ہر 6 مہینے میں تکیے کو مکمل دھونا ضروری ہے، خاص طور پر اگر وہ فوم یا کاٹن سے بھرا ہو۔
ہر 1 سے 2 سال میں تکیہ نیا لینا صحت کے لیے فائدہ مند ہے، کیونکہ پرانا تکیہ فنگس اور بیکٹیریا سے بھر جاتا ہے۔

کمبل اور رضائیاں کب صاف کریں؟

ہر مہینے میں ایک بار کمبل یا رضائی کو دھونا یا دھوپ میں سکھانا ضروری ہے۔
سردیوں میں زیادہ استعمال کی صورت میں ہر 2 ہفتے میں ایک بار دھونا بہتر ہوتا ہے۔
اگر ممکن ہو تو ہفتے میں ایک بار دھوپ میں سکھائیں

تکیے اور بیڈ شیٹ کو دھوپ میں کیوں رکھنا چاہیے؟

ہفتے میں ایک بار بیڈ شیٹ اور تکیے کو دھوپ میں رکھنا مفید ہے
سورج کی روشنی قدرتی جراثیم کش ہے اور فنگس کو مارتی ہے

آسان صفائی کے چند طریقے:

تکیہ اور بیڈ شیٹ کو گرم پانی سے دھونا جراثیم ختم کرنے میں مددگار ہوتا ہے۔
دھونے کے بعد دھوپ میں سکھانا زیادہ مؤثر ہے کیونکہ یہ فنگس کو مارنے میں مدد دیتا ہے۔
Antibacterial Detergent کا استعمال کریں۔
اگر ممکن ہو تو دھونے سے پہلے وائٹ ونیگر یا بیکنگ سوڈا شامل کریں۔